وضوکی سنتیں

نیت کرنا یعنی اللّٰہ تعالیٰ کا حکم ماننے کی نیت سے وضو کرنا۔
بسم اللّٰہ سے وضو شروع کرنا۔
دونوں ہاتھوں کو گٹوں تک تین تین بار دھونا۔ پہلے دایاں اور پھر بایاں ہاتھ دھونا۔
دانتوں میں مسواک کرنا۔ (کم سے کم تین بار داہنے بائیں اوپر نیچے کے دانتوں پر)
داہنے ہاتھ سے تین بار کُلّی کرنا۔ (روزہ دار نہ ہو تو غرارہ بھی کریں)
داہنے ہاتھ سے تین بار ناک میں پانی چڑھانا۔
بائیں ہاتھ سے ناک صاف کرنا۔
داڑھی کا خلال کرنا۔ یعنی انگلیوں کو گلے کی طرف سے داڑھی میں ڈال کر ایسے پھیرنا جیسے کنگھا کرتے ہیں۔
ہاتھ پاؤں کی انگلیوں کا خلال کرنا۔
وضو میں دھلنے والے ہر حِصّے کو تین بار دھونا۔
پورے سِر کا مسح کرنا۔
کانوں کا مسح کرنا۔
ترتیب سے وضو کرنا۔
داڑھی کے جو بال منھ کے دائرے سے باہر ہیں انکا مسح کرنا۔
وضو میں دھلنے والے حِصّوں کو پے در پے دھونا یعنی ایک حِصّے کے سوکھنے سے پہلے دوسرے کو دھونا۔
ہر مکروہ کام سے بچنا۔